Nýir flokkar hrista hressilega upp í danska stjórnmálalandslaginu Atli Ísleifsson skrifar 24. október 2022 14:01 Mette Frederiksen, formaður Jafnaðarmannaflokksins, vill áfram gegna embætti forsætisráðherra. Hún boðaði til kosninga í byrjun mánaðar. EPA Það stefnir í spennandi þingkosningar í Danmörku eftir rúma viku og benda kannanir til að tveir nýir flokkar muni hrista hressilega upp í hinu pólitíska landslagi. Lars Løkke Rasmussen, fyrrverandi forsætisráðherra, og nýstofnaður flokkur hans, Moderaterne, hefur verið á blússandi siglingu í könnunum og mælist nú þriðji stærsti flokkurinn. Sömu sögu er að segja að flokki innflytjendaráðherrans fyrrverandi Inger Støjberg, Danmerkurdemókrata, sem mælist líkt og Moderaterne með tæplega tíu prósenta fylgi í könnunum. Þingkosningarnar fara fram á þriðjudaginn í næstu viku, 1. nóvember, og hafa danskir fréttaskýrendur verið að líkja kosningarnar nú við „Aurskriðukosningarnar 1973“ þar sem 44 prósent kjósenda kusu annan flokk en þeir kusu í kosningunum þar á undan og byltu þar með samsetningunni á þinginu. Í síðustu viku benti skoðanakönnun Electica þannig til að 65 prósent kjósenda hefðu ekki gert upp hug sinn. Það er óvenjulega hátt hlutfall, svo stuttu fyrir kosningar. Jakob Ellemann-Jensen er formaður hægriflokksins Venstre og tók við stöðunni af Lars Løkke Rasmussen.EPA Mette Fredriksen, forsætisráðherra Danmerkur, boðaði til þingkosninga þann 5. október, daginn eftir að þing kom saman eftir sumarfrí. Einn stuðningsflokka ríkisstjórnar Frederiksen, Radikale Venstre, hafði þá sett forsætisráðherranum þá afarkosti að boða strax til þingkosninga eða þá að vantrauststillaga yrði lögð fram vegna ákvörðunar ríkisstjórnarinnar um að lóga öllum minkum í landinu til að stöðva útbreiðslu kórónuveirunnar. Rannsóknarnefnd þingsins hafði komist að þeirri niðurstöðu að ákvörðunin hafi ekki staðist lög. Ný skoðanakönnun Epinion (innan sviga er fylgið í kosningum 2019): Jafnaðarmannaflokkurinn 24,3% (25,9%) Venstre 12,7% (23,4%) Moderaterne 9,8% (nýtt framboð) Danmerkurdemókratar 8,6% (nýtt framboð) Sósíalíski þjóðarflokkurinn 8,0% (7,7%) Einingarlistinn 7,1% (6,9%) Íhaldsflokkurinn 7,0% (6,6%) Frjálslynda bandalagið 7,0% (2,3%) Nýir borgaralegir 4,9% (2,4%) Radikale Venstre 4,3% (8,6%) Danski þjóðarflokkurinn 2,4% (8,7%) Valkosturinn 2,2% (3,0%) Endurkoma Løkke Auknar vinsældir Løkke og flokks hans í skoðanakönnunum að undanförnu hafa vakið sérstaka athygli og vilja margir meina að hann eigi raunverulegan möguleika á að setjast aftur í stól forsætisráðherra. Hann var forsætisráðherra Danmerkur á árunum 2015 til 2019, þegar hann var leiðtogi hægriflokksins Venstre. Margir hafa líkt sögu Lars Løkke Rasmussen við sögu Birgitte Nyborg í þáttunum Borgen.EPA Løkke sagði skilið við flokkinn árið 2019 eftir að hafa misst formannsstólinn í hendur Jakob Ellen-Jensen í kjölfar ósigurs í kosningunum sama ár. Hann tilkynnti svo um stofnun nýs flokks í júní 2021, Moderaterne, sem hann lýsir sem miðjuflokki. Segir forsætisráðherrann fyrrverandi að markmiðið með stofnun flokksins sé að brjóta upp „lásana“ milli hægri- og vinstrivængsins og koma á ríkisstjórn flokka yfir miðjuna. Í síðustu viku sagði Løkke að hann vildi komast í ríkisstjórn en að ljóst væri að nauðsynlegt væri að Jafnaðarmannaflokkur Mette Frederiksen yrði hluti af slíkri stjórn. Margir Danir hafa rætt líkindin milli Løkke og stofnun Moderaterne annars vegar og söguþráðs sjónvarpsþáttanna Borgen hins vegar. Aðalpersóna þáttanna er Birgitte Nyborg sem verður forsætisráðherra og segir síðar skilið við flokkinn sinn og stofnar eigin miðjuflokk; De Moderate. Søren Pape Poulsen er formaður Íhaldsflokksins og forsætisráðherraefni flokksins.EPA Danmerkurdemókratar á siglingu Hinn nýi flokkurinn sem hefur verið á siglingu í könnunum eru Danmerkurdemókratar, flokkur Støjberg, sem hefur talað fyrir harðri stefnu í málefnum innflytjenda, auk þess að setja málefni landsbyggðarinnar á oddinn. Flokkurinn mælist nú fjórði stærsti með um níu prósenta fylgi. Støjberg stofnaði flokkinn í sumar og sagði hún að flokkurinn myndi leggja sérstaka áherslu á málefni Dana utan höfuðborgarsvæðisins. Þetta eigi sér í lagi við um heilbrigðismál, starfsumhverfi fyrirtækja, matvælaframleiðslu og dagleg verkefni hins almenna borgara. Hún segir að „borgaraleg, almenn skynsemi“ verði leiðarljós flokksins. Inger Støjberg, formaður Danmerkurdemókrata, er á hægjum þessa dagana eftir að hafa slasast þegar hún hrasaði yfir hundinn sinn.EPA Støjberg var í desember á síðasta ári dæmd í sextíu daga óskilorðsbundið fangelsi af Ríkisrétti Danmerkur. Hún var sakfelld af ákæru um að hafa látið stía í sundur ungum hælisleitendum í ráðherratíð sinni, 2015 til 2019. Støjberg var talin hafa gefið út ólögmæt fyrirmæli um að láta aðskilja gifta hælisleitendur sem væru yngri en átján ára við komuna til Danmerkur. Tuttugu og þrjú pör voru aðskilin að skipan ráðherrans árið 2016 og voru sum þeirra voru með börn. Danmörk Þingkosningar í Danmörku Tengdar fréttir Frederiksen boðar til þingkosninga 1. nóvember Mette Fredriksen, forsætisráðherra Danmerkur, hefur boðað til þingkosninga í landinu þann 1. nóvember næstkomandi. Frá þessu greindi forsætisráðherrann á blaðamannafundi klukkan 11 í morgun. 5. október 2022 10:35 Mest lesið Þorgerður niðurlægi konur með því að kalla Trump heillandi Innlent Barnasáttmálinn verið þverbrotinn í barnvænu sveitarfélagi Innlent „Þetta er svona hús sem er alltaf verið að flytja í og úr“ Innlent Veik stofnun skaði fjárhag ríkissjóðs Innlent Stofna sérstakan dómstól vegna árásarglæpa Rússa Erlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira
Lars Løkke Rasmussen, fyrrverandi forsætisráðherra, og nýstofnaður flokkur hans, Moderaterne, hefur verið á blússandi siglingu í könnunum og mælist nú þriðji stærsti flokkurinn. Sömu sögu er að segja að flokki innflytjendaráðherrans fyrrverandi Inger Støjberg, Danmerkurdemókrata, sem mælist líkt og Moderaterne með tæplega tíu prósenta fylgi í könnunum. Þingkosningarnar fara fram á þriðjudaginn í næstu viku, 1. nóvember, og hafa danskir fréttaskýrendur verið að líkja kosningarnar nú við „Aurskriðukosningarnar 1973“ þar sem 44 prósent kjósenda kusu annan flokk en þeir kusu í kosningunum þar á undan og byltu þar með samsetningunni á þinginu. Í síðustu viku benti skoðanakönnun Electica þannig til að 65 prósent kjósenda hefðu ekki gert upp hug sinn. Það er óvenjulega hátt hlutfall, svo stuttu fyrir kosningar. Jakob Ellemann-Jensen er formaður hægriflokksins Venstre og tók við stöðunni af Lars Løkke Rasmussen.EPA Mette Fredriksen, forsætisráðherra Danmerkur, boðaði til þingkosninga þann 5. október, daginn eftir að þing kom saman eftir sumarfrí. Einn stuðningsflokka ríkisstjórnar Frederiksen, Radikale Venstre, hafði þá sett forsætisráðherranum þá afarkosti að boða strax til þingkosninga eða þá að vantrauststillaga yrði lögð fram vegna ákvörðunar ríkisstjórnarinnar um að lóga öllum minkum í landinu til að stöðva útbreiðslu kórónuveirunnar. Rannsóknarnefnd þingsins hafði komist að þeirri niðurstöðu að ákvörðunin hafi ekki staðist lög. Ný skoðanakönnun Epinion (innan sviga er fylgið í kosningum 2019): Jafnaðarmannaflokkurinn 24,3% (25,9%) Venstre 12,7% (23,4%) Moderaterne 9,8% (nýtt framboð) Danmerkurdemókratar 8,6% (nýtt framboð) Sósíalíski þjóðarflokkurinn 8,0% (7,7%) Einingarlistinn 7,1% (6,9%) Íhaldsflokkurinn 7,0% (6,6%) Frjálslynda bandalagið 7,0% (2,3%) Nýir borgaralegir 4,9% (2,4%) Radikale Venstre 4,3% (8,6%) Danski þjóðarflokkurinn 2,4% (8,7%) Valkosturinn 2,2% (3,0%) Endurkoma Løkke Auknar vinsældir Løkke og flokks hans í skoðanakönnunum að undanförnu hafa vakið sérstaka athygli og vilja margir meina að hann eigi raunverulegan möguleika á að setjast aftur í stól forsætisráðherra. Hann var forsætisráðherra Danmerkur á árunum 2015 til 2019, þegar hann var leiðtogi hægriflokksins Venstre. Margir hafa líkt sögu Lars Løkke Rasmussen við sögu Birgitte Nyborg í þáttunum Borgen.EPA Løkke sagði skilið við flokkinn árið 2019 eftir að hafa misst formannsstólinn í hendur Jakob Ellen-Jensen í kjölfar ósigurs í kosningunum sama ár. Hann tilkynnti svo um stofnun nýs flokks í júní 2021, Moderaterne, sem hann lýsir sem miðjuflokki. Segir forsætisráðherrann fyrrverandi að markmiðið með stofnun flokksins sé að brjóta upp „lásana“ milli hægri- og vinstrivængsins og koma á ríkisstjórn flokka yfir miðjuna. Í síðustu viku sagði Løkke að hann vildi komast í ríkisstjórn en að ljóst væri að nauðsynlegt væri að Jafnaðarmannaflokkur Mette Frederiksen yrði hluti af slíkri stjórn. Margir Danir hafa rætt líkindin milli Løkke og stofnun Moderaterne annars vegar og söguþráðs sjónvarpsþáttanna Borgen hins vegar. Aðalpersóna þáttanna er Birgitte Nyborg sem verður forsætisráðherra og segir síðar skilið við flokkinn sinn og stofnar eigin miðjuflokk; De Moderate. Søren Pape Poulsen er formaður Íhaldsflokksins og forsætisráðherraefni flokksins.EPA Danmerkurdemókratar á siglingu Hinn nýi flokkurinn sem hefur verið á siglingu í könnunum eru Danmerkurdemókratar, flokkur Støjberg, sem hefur talað fyrir harðri stefnu í málefnum innflytjenda, auk þess að setja málefni landsbyggðarinnar á oddinn. Flokkurinn mælist nú fjórði stærsti með um níu prósenta fylgi. Støjberg stofnaði flokkinn í sumar og sagði hún að flokkurinn myndi leggja sérstaka áherslu á málefni Dana utan höfuðborgarsvæðisins. Þetta eigi sér í lagi við um heilbrigðismál, starfsumhverfi fyrirtækja, matvælaframleiðslu og dagleg verkefni hins almenna borgara. Hún segir að „borgaraleg, almenn skynsemi“ verði leiðarljós flokksins. Inger Støjberg, formaður Danmerkurdemókrata, er á hægjum þessa dagana eftir að hafa slasast þegar hún hrasaði yfir hundinn sinn.EPA Støjberg var í desember á síðasta ári dæmd í sextíu daga óskilorðsbundið fangelsi af Ríkisrétti Danmerkur. Hún var sakfelld af ákæru um að hafa látið stía í sundur ungum hælisleitendum í ráðherratíð sinni, 2015 til 2019. Støjberg var talin hafa gefið út ólögmæt fyrirmæli um að láta aðskilja gifta hælisleitendur sem væru yngri en átján ára við komuna til Danmerkur. Tuttugu og þrjú pör voru aðskilin að skipan ráðherrans árið 2016 og voru sum þeirra voru með börn.
Ný skoðanakönnun Epinion (innan sviga er fylgið í kosningum 2019): Jafnaðarmannaflokkurinn 24,3% (25,9%) Venstre 12,7% (23,4%) Moderaterne 9,8% (nýtt framboð) Danmerkurdemókratar 8,6% (nýtt framboð) Sósíalíski þjóðarflokkurinn 8,0% (7,7%) Einingarlistinn 7,1% (6,9%) Íhaldsflokkurinn 7,0% (6,6%) Frjálslynda bandalagið 7,0% (2,3%) Nýir borgaralegir 4,9% (2,4%) Radikale Venstre 4,3% (8,6%) Danski þjóðarflokkurinn 2,4% (8,7%) Valkosturinn 2,2% (3,0%)
Danmörk Þingkosningar í Danmörku Tengdar fréttir Frederiksen boðar til þingkosninga 1. nóvember Mette Fredriksen, forsætisráðherra Danmerkur, hefur boðað til þingkosninga í landinu þann 1. nóvember næstkomandi. Frá þessu greindi forsætisráðherrann á blaðamannafundi klukkan 11 í morgun. 5. október 2022 10:35 Mest lesið Þorgerður niðurlægi konur með því að kalla Trump heillandi Innlent Barnasáttmálinn verið þverbrotinn í barnvænu sveitarfélagi Innlent „Þetta er svona hús sem er alltaf verið að flytja í og úr“ Innlent Veik stofnun skaði fjárhag ríkissjóðs Innlent Stofna sérstakan dómstól vegna árásarglæpa Rússa Erlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira
Frederiksen boðar til þingkosninga 1. nóvember Mette Fredriksen, forsætisráðherra Danmerkur, hefur boðað til þingkosninga í landinu þann 1. nóvember næstkomandi. Frá þessu greindi forsætisráðherrann á blaðamannafundi klukkan 11 í morgun. 5. október 2022 10:35