Erlent

Lofa starfsfólki að þau muni greiða fyrir þungunarrof

Ellen Geirsdóttir Håkansson skrifar
Netflix ætlar að greiða fyrir sótta þungunarrofsþjónustu starfsfólks. 
Netflix ætlar að greiða fyrir sótta þungunarrofsþjónustu starfsfólks.  Getty/Aaron P

Fjöldi bandarískra fyrirtækja býðst nú til þess að greiða fyrir ferðakostnað starfsmanna sem þurfi að sækja sér þungunarrofsþjónustu utan eigin ríkismarka.

Í ávarpi sínu til bandarísku þjóðarinnar í dag vegna viðsnúnings Hæstaréttar á þeim réttindum sem konur hlutu vegna niðurstöðu Roe gegn Wade árið 1973, ítrekaði Joe Biden Bandaríkjaforseti rétt kvenna til þess að sækja þungunarrofsþjónustu utan marka eigin ríkis.

Í kjölfar úrskurðarins hafa fyrirtæki eins og Netflix og Disney lofað starfsfólki sínu að greiða fyrir ýmsa læknisþjónustu sem og kostnað vegna þungunarrofs. Þetta kemur fram á vef E News. 

Netflix lofar hverjum fastráðnum starfsmanni sínum sjóði sem hefur inneign að andvirði 10.000 Bandaríkjadala ef til þess kemur að starfsmaður þurfi að hljóta krabbameinsmeðferð, þurfi á líffæraígræðslu eða þungunarrofi að halda.


Tengdar fréttir

Hafnaði rétti kvenna til þungunarrofs

Hæstiréttur Bandaríkjanna sneri við fordæmi sínu sem hefur tryggt konum rétt til þungunarrofs í dag. Eftir dóminn hafa ríki frjálsari hendur til þess að setja verulegar takmarkanir á þungunarrof eða banna það alfarið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.