Segir end­ur­komu Ron­aldo ekki gera Man Utd lík­legra til að vinna titla

Ronaldo hefur skorað þrjú mörk í fyrstu tveimur leikjum sínum fyrir félagið en Carragher telur að hann skapi jafn mörg vandamál og hann leysi.

„Endurkoma Ronaldo gæti gert meira fyrir ensku úrvalsdeildina heldur en Manchester United. Ég reikna með að Ronaldo muni berjast við Harry Kane, Mohamed Salah og Romelu Lukaku um gullskóinn á þessari leiktíð.“

„Stóra spurningin er samt hvort United sé nærri því að vera lið sem geti unnið ensku úrvalsdeildina eða Meistaradeild Evrópu með tilkomu Ronaldo. Miðað við fyrstu leikina, þó þeir hafi unnið þrjá af fyrstu fimm, þá myndi ég segja nei,“ ritaði Carragher í pistli á Daily Telegraph.

„Hæfileikar Ronaldo til þess að vinna leiki gera Man United að betra liði en hún gerir liðið ekki líklegra til að vinna titla. Hún hjálpar heldur ekki til við að breyta leikstíl liðsins sem er einkennalaus í dag.“