Daði Freyr, sem er frá Suðureyri í Súgandafirði, hóf ferilinn með BÍ/Bolungarvík en gekk í raðir FH 2017. Hann lék sem lánsmaður með Vestra í 2. deild 2017 og 2018.
Sumarið 2019 fékk Daði Freyr tækifæri í marki FH þegar Gunnar Nielsen meiddist. Hann lék fimmtán leiki í Pepsi Max-deildinni auk þriggja í Mjólkurbikarnum. Daði Freyr stóð meðal annars á milli stanganna í úrslitaleik keppninnar þar sem FH tapaði fyrir Víkingi, 1-0.
Á síðasta tímabili lék Daði Freyr einn deildarleik og tvo bikarleiki fyrir FH.
Daði Freyr, sem er 22 ára, gæti leikið sinn fyrsta leik fyrir Þór þegar liðið sækir Gróttu heim í 1. umferð Lengjudeildarinnar annað kvöld.
