Íslenski boltinn

Sigurvegarar síðasta sumars: Atli reyndi oftast að skjóta á markið fyrir utan teig

Óskar Ófeigur Jónsson skrifar
Atli Sigurjónsson í leik með KR á móti Breiðabliki síðasta sumar.
Atli Sigurjónsson í leik með KR á móti Breiðabliki síðasta sumar. Vísir/Bára

Atli Sigurjónsson lét vaða á markið í Pepsi Max deildinni síðasta sumar.

Pepsi Max deild karla í fótbolta hefst á föstudaginn kemur en fram að því ætlum við á Vísi að skoða nokkra athyglisverða tölfræðilista frá því á síðasta tímabili.

Þú skorar ekki nema með því að skjóta á markið og KR-ingurinn Atli Sigurjónsson var óhræddur við að láta vaða á mark andstæðinganna í Pepsi Max deildinni í fyrra.

Atli var nefnilega sá leikmaður í deildinni sem reyndi flest skot fyrir utan teig. Alls reyndi Atli 38 langskot í leikjunum sautján sem hann spilaði eða meira en tvö í leik. Atli tók fjögur fleiri langskot en næstu menn sem voru þeir Hallgrímur Mar Steingrímsson hjá KA og Hilmar Árni Halldórsson hjá Stjörnunni.

Atli var í fjórða sæti yfir flest skot tekin úr öllum færum en þar var meðal liðsfélagi hans Óskar Örn Hauksson með tveimur skotum meira. 38 af 56 skotum Atla voru tekin fyrir utan teig eða 68 prósent skotanna.

Atli skoraði sex mörk fyrir KR-liðið í Pepsi Max deildinni síðasta sumar og komu tvö þeirra með skotum fyrir utan vítateiginn.

Þrír KR-ingar eru á topp tíu listan yfir flest langskot og KR-ingar skutu oftast á markið fyrir utan teig eða 120 sinnum. Það var fimm sinnum oftar en Blikar (2. sæti) og tólf fleiri en Stjarnan (3. sæti).

Leikmenn sem reyndu flest langskot í Pepsi Max deild karla 2020:

  • 1. Atli Sigurjónsson, KR 38
  • 2. Hallgrímur Mar Steingrímsson, KA 34
  • 2. Hilmar Árni Halldórsson, Stjörnunni 34
  • 4. Óttar Magnús Karlsson, Víkingi 31
  • 5. Stefán Teitur Þórðarson, ÍA 25
  • 6. Lasse Petry, Val 23
  • 7. Gísli Eyjólfsson, Breiðabliki 22
  • 7. Óskar Örn Hauksson, KR 22
  • 9. Oliver Sigurjónsson, Breiðabliki 21
  • 10. Ívar Örn Jónsson, HK 16
  • 10. Alex Þór Hauksson, Stjörnunni 16
  • 10. Kennie Knak Chopart, KR 16

Vísir hefur skoðað tölfræði Wyscout úr Pepsi Max deild karla í fótbolta síðasta sumar og komist að því hvaða menn sköruðu fram úr í deildinni í sérstökum tölfræðiþáttum.

Í síðustu vikunni fyrir nýtt Íslandsmót er nú ætlunin að skoða eitthvað af þessum topplistum sem fá flestir vanalega ekki mikla athygli í fjölmiðlum en eru mikilvægur þáttur í baráttunni inn á vellinum.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.