Íslenski boltinn

Sel­foss heldur á­fram að sækja leik­menn

Runólfur Trausti Þórhallsson skrifar
Alfreð Elías og Eva Núra við undirskriftina.
Alfreð Elías og Eva Núra við undirskriftina. Selfoss

Selfoss hefur styrkt sig enn frekar fyrir komandi átök í Pepsi Max deild kvenna í knattspyrnu næsta sumar. Í dag var staðfest að félagið hefði samið við Evu Núru Abrahamsdóttur um að leika með liðinu næsta sumar.

Hin 26 ára gamla Eva Núra kemur frá FH sem féll úr Pepsi Max deildinni síðasta sumar. Þá hefur hún einnig leikið með Fylki og Haukum hér á landi. Alls hefur hún leikið 193 leiki í meistaraflokki, þar af 109 í efstu deild.

Eva Núra á einnig að baki einn A-landsleik sem og fjölda yngri landsleikja.

„Ég er virkilega sáttur með að fá Evu Núru til okkar. Hún er góður leikmaður með mikla reynslu og hefur eiginleika sem eiga eftir að nýtast okkur vel í sumar,“ sagði Alfreð Elías Jóhannsson, þjálfari Selfoss, um komu Evu Núru.

Alfreð Elías og lið hans gáfu það út fyrir síðustu leiktíð að þær ætluðu sér að vera í toppbaráttu deildarinnar. Liðið var hins vegar 20 stigum á eftir Íslandsmeisturum Breiðabliks er Íslandsmótið var flautað af síðasta sumar.

Síðan þá hefur liðið misst sterka leikmenn en Dagný Brynjarsdóttir er genginn til liðs við West Ham United í Englandi og þá fór Anna Björk Kristjánsdóttir til Le Havre á miðju tímabili.

Það þarf því að fylla stór skörð og á Eva Núra að hjálpa til við það.

Eva Núra í Selfoss Knattspyrnudeild Selfoss hefur samið við miðjumanninn Evu Núru Abrahamsdóttur um að leika með liði...

Posted by Selfoss Fótbolti on Saturday, February 6, 2021



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.