Biðin eftir úrslitaleiknum um titilinn lengist um tvo daga

Óskar Ófeigur Jónsson skrifar 23. september 2020 18:01

Valskonan Hlín Eiríksdóttir og Blikinn Heiðdís Lillýardóttir í baráttu í fyrri leik liðanna. Vísir/Daníel Þór

Valur og Breiðablik munu keppa um Íslandsmeistaratitilinn í Pepsi Max deild kvenna í ár og það bíða margir spenntir eftir seinni leik liðanna. KSÍ tilkynnti í dag að sú bið verði aðeins eins lengri en við héldum.

Mótanefnd Knattspyrnusambands Íslands hefur tilkynnt um breytingar á þremur leikjum í Pepsi Max deild kvenna og þar á meðal er stórleikur Vals og Breiðabliks.

Valur er með eins stigs forystu á Breiðablik á toppi deildarinnar en Blikastúlkur eiga leik inni á Valsliðið.

Breiðablik vann 4-0 sigur á Val í fyrri leiknum en liðin eiga eftir að mætast á Hlíðarenda.

Óopinber úrslitaleikur Pepsi Max deildar kvenna 2020 átti að fara fram miðvikudaginn 30. september en hefur nú verið seinkað um tvo daga eða til föstudagsins 2. október.

Mótanefnd KSÍ færði líka tvo aðra leiki, ÍBV-FH fer nú fram sunnudaginn 4. október á Hásteinsvelli og FH-Valur verður spilaður sunnudaginn 11. október.

Þremur leikjum í Pepsi Max deild kvenna breytt

ÍBV - FH
Var: Miðvikudaginn 30. september kl. 16.00 á Hásteinsvelli
Verður: Sunnudaginn 4. október kl. 14.00 á Hásteinsvelli
Valur - Breiðablik
Var: Miðvikudaginn 30. september kl. 19.15 á Origo vellinum
Verður: Föstudaginn 2. október kl. 19.15 á Origo vellinum
FH - Valur
Var: Laugardaginn 3. október 14.00 á Kaplakrikavelli
Verður: Sunnudaginn 11. október 14.00 á Kaplakrikavelli

Pepsi Max-deild kvenna Breiðablik Valur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.