Erlent

Mis­boðið eftir að svín var neytt í teygju­stökk

Atli Ísleifsson skrifar
Svínið var leitt til slátrunar eftir atvikið.
Svínið var leitt til slátrunar eftir atvikið. Skjáskot

Skemmtigarður í Kína sætir nú mikilli og harðri gagnrýni á samfélagsmiðlum eftir að starfsmenn garðsins neyddu svín í teygjustökk þar sem verið var að vígja nýjan 68 metra teygjustökksturn.

Á myndbandsupptökum má sjá hvernig svínið var bundið við prik og tveir starfsmenn héldu á því upp í turninn, áður en því var ýtt fram af í teygju. Mátti á myndbandsupptöku heyra svínið veina.

Garðurinn er staðsettur í Chongqing og greina þarlendir fjölmiðlar frá því að svíninu hafi verið slátrað í sláturhúsi eftir stökkið.

Í frétt BBC segir að sú gagnrýni sem skemmtigarðurinn nú sæti beri vott um aukna vitund almennings í Kína um réttindi og velferð dýra.

Í yfirlýsingu frá garðinum er afsökunar beðist á atvikinu sem átt sér stað á laugardaginn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.