Veður

Allt að 18 stiga hiti á landinu í dag

Vésteinn Örn Pétursson skrifar
Spákort Veðurstofunnar fyrir hádegisbilið í dag.
Spákort Veðurstofunnar fyrir hádegisbilið í dag. Veðurstofa Íslands/Skjáskot

Í dag verður vestlæg eða breytileg átt, 3-8 metrar á sekúndu og skúrir. Léttskýjað verður austantil en rigning norðvestanlands. Þurrt verður að mestu í kvöld. Þetta kemur fram á vef Veðurstofu Íslands.

Þá verður hiti um 8 til 13 stig, en 13 til 18 stig á Norðaustur- og Austurlandi að deginum.

Veðurhorfur næstu daga, samkvæmt veðurstofu Íslands:

Miðvikudagur:

Breytileg átt, 3-8 m/s og bjart með köflum, en skýjað og sums staðar þokuloft austantil. Hiti 8 til 18 stig, hlýjast norðanlands en svalast á Austfjörðum.

Fimmtudagur:

Suðvestan 5-13 m/s og dálítil væta, en þurrt á austanverðu landinu. Hiti 8 til 20 stig, hlýjast norðaustantil.

Föstudagur og laugardagur:

Suðlæg og skýjað með köflum, en bjartviðri norðanlands. Hiti 10 til 22 stig að deginum, hlýjast á Norðausturlandi.

Sunnudagur og mánudagur:

Suðaustanátt, dálítil rigning um sunnan- og vestanvert landið en þurrt norðantil. Hlýtt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.