Bale verður ekki með um helgina

Gareth Bale, leikmaður Tottenham Hotspur, mun missa af fyrsta leik tímabilsins með liðinu en þetta tilkynnti Andre Villas-Boas, knattspyrnustjóri liðsins í dag.

Leikmaðurinn hefur verið orðaður frá félaginu í allt sumar og yfir til spænska risans Real Madrid.

Tottenham mætir nýliðum Crystal Palace á sunnudaginn og mæta þeir síðan Dinamo Tbilisi í forkeppni Evrópudeildarinnar á fimmtudaginn næstkomandi.

„Hann hefur verið meiddur nánast allt undirbúningstímabilið,“ sagði Villas-Boas í viðtali við Sky Sports.

„Það er því bara eðlilegt að leyfa honum að hvíla í leiknum gegn Palace.“