Huddlestone og Livermore til Hull | Gylfi með stærra hlutverk

Enska úrvalsdeildarliðið Hull City hefur fengið mikinn liðsstyrk frá Tottenham Hotspur en þeir Tom Huddlestone og Jake Livermore eru báðir komnir til nýliðanna.

Hull hefur fest kaup á Huddlestone en Livermore fer á láni til félagsins.

Huddlestone hefur oft verið með það hlutverk hjá Tottenham að taka hornspyrnur liðsins en á þessu undirbúningstímabili hefur Íslendingurinn Gylfi Þór Sigurðsson verið alfarið í því hlutverki.

Gylfi hefur spilað flestar mínútur af öllum leikmönnum Spurs á undirbúningstímabilinu og er greinilega að fá stærra hlutverk hjá Tottenham.