Lögmannsréttur vill sleppa Hagen úr gæsluvarðhaldi

Atli Ísleifsson skrifar 7. maí 2020 13:34

„Mannránið“ sem skók Noreg, hvarf Anne-Elisabeth Hagen, náði óvæntum vendipunkti í lok aprílmánaðar þegar Tom Hagen var handtekinn.

Lögmannsréttur Eidsivaþing í Noregi vill að auðjöfrinum Tom Hagen verði sleppt úr gæsluvarðhaldi.

Áfrýjunarrétturinn tók mál hans til umfjöllunar í dag, og var niðurstaðan sú að tveir af þremur dómurum telja ekki nægileg rök og gögn liggja fyrir til að halda Hagen áfram í gæsluvarðhaldi. Hagen hafði áður verið úrskurðaður í fjögurra vikna gæsluvarðhald á neðra dómstigi.

Lögregla hefur nú áfrýjað úrskurði lögmannsréttarins sem þýðir að Hagen verður áfram í varðhaldi þar til að Hæstiréttur landsins hefur tekið málið til meðferðar.

Tom Hagen situr nú í gæsluvarðhaldi vegna gruns um morð eða aðild að morði á eiginkonu sinni, Anne-Elisabeth Hagen. Ekkert hefur spurst til Anne-Elisabeth frá 31. október 2018.

Málið var fyrst rannsakað sem mannrán, en lögregla telur nú Tom Hagen hafa sviðsett ránið til að villa um fyrir lögreglunni.

Noregur Anne-Elisabeth Hagen

Tengdar fréttir

Lögregla rannsakar fjallakofa Tom Hagen

Fjöldi lögreglumanna mættu í morgun að fjallakofa norska auðjöfursins Tom Hagen við Kvitfjell.

7. maí 2020 10:57

Konan sem hvarf og hægláti auðjöfurinn sem saknaði hennar

„Mannránið“ sem skók Noreg, hvarf Anne-Elisabeth Hagen, náði óvæntum vendipunkti í gær. Hér verður reynt að varpa ljósi á feril þessa merkilega máls og vendingar átján mánaða lögreglurannsóknar.

29. apríl 2020 08:45

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.