Erlent

Lög­regla rann­sakar fjalla­kofa Tom Hagen

Atli Ísleifsson skrifar
Lögregla hefur síðustu daga rannsakað húsnæði Hagen frekar, meðal annars heimili hans við Sloraveien í Lørenskog og svo vinnustað hans í Futurum industripark.
Lögregla hefur síðustu daga rannsakað húsnæði Hagen frekar, meðal annars heimili hans við Sloraveien í Lørenskog og svo vinnustað hans í Futurum industripark. EPA

Fjöldi lögreglumanna mættu í morgun að fjallakofa norska auðjöfursins Tom Hagen við Kvitfjell. Þetta staðfestir talsmaður lögreglu í samtali við norska fjölmiðla.

Tom Hagen situr nú í gæsluvarðhaldi vegna gruns um morð eða aðild að morði á eiginkonu sinni, Anne-Elisabeth Hagen. Ekkert hefur spurst til Anne-Elisabeth frá 31. október 2018.

Norskir fjölmiðlar segja lögeglu hafa notast við þrívíddarskanna við fjallakofann í morgun. 

Lögregla hefur síðustu daga rannsakað húsnæði Hagen frekar, meðal annars heimili hans við Sloraveien í Lørenskog og svo vinnustað hans í Futurum industripark. Hefur lögregla lagt hald á einhver gögn.

Fyrr í vikunni var greint frá því að lögregla rannsakaði nú ræsisbrunn í innkeyrslunni á lóð Hagen í Lørenskog.

Málið var fyrst rannsakað sem mannrán, en Tom Hagen er nú talinn hafa sviðsett ránið til að villa um fyrir lögreglunni.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×