D-listinn nærri því sá sami en ó­ljóst með Elliða

Listinn var samþykktur einróma á fundi Ægis í Ölfusi í kvöld að því er kemur fram í fréttatilkynningu. 

„Árangur síðustu ára í Ölfusi undir forystu D-listans hefur vakið eftirtekt á landsvísu og er ljóst að næsta kjörtímabil undir sterkri forystu D-listans tryggir áframhaldandi vöxt af ábyrgð, festu og framsýn.“

Þegar D-listinn var kynntur fyrir sveitarstjórnarkosningarnar 2022 var Elliði Vignisson, núverandi bæjarstjóri, tilgreindur sem bæjarstjóraefni listans. Í tilkynningunni sem send var út í kvöld er hvorki minnst á Elliða né nokkuð annað bæjarstjóraefni.

Ekki náðist í Grétar Inga, oddvita listans, við gerð fréttarinnar og því liggur ekki fyrir hvort Elliði verði aftur bæjarstjóraefni listans.

D-listi Sjálfstæðismanna í Ölfusi er eftirfarandi. 

1. Grétar Ingi Erlendsson – formaður bæjarráðs og sölu- og markaðsfulltrúi
2. Sigurbjörg Jenný Jónsdóttir – Bæjarfulltrúi, bóndi og viðskiptafræðingur
3. Gestur Þór Kristjánsson – forseti bæjarstjórnar, húsasmíðameistari
4. Erla Sif Markúsdóttir – Bæjarfulltrúi, deildarstjóri í Grunnskólanum í Þorlákshöfn
5. Guðlaug Einarsdóttir – deildarstjóri í Grunnskólanum í Þorlákshöfn
6. Geir Höskuldsson - byggingaiðnfræðingur
7. Bettý Grímsdóttir - hjúkrunarfræðingur
8. Davíð Arnar Ágústsson – kóngur, þjálfari og körfuknattleiksmaður
9. Ingunn Guðnadóttir - læknanemi
10. Oskar Rybinski – rafvirki og ljósahönnuður
11. Ólöf Ingibergsdóttir - atvinnurekandi
12. Böðvar Guðbjörn Jónsson – fagstjóri gagnaþróunar
13. Sævar Elí Kjartansson – smiður og þjálfari
14. Ásta Júlía Jónsdóttir – Fv. kennari

„Við ætlum að leiða Ölfus inn í næsta vaxtarskeið með áherslu á velferð þeirra sem hér búa. Það gerum við með ábyrgri fjármálastjórn, markvissri uppbyggingu innviða og skýrri forgangsröðun í þágu íbúa,“ er haft eftir Grétari Ingi Erlendsson oddvita listans í tilkynningu.