Sofnaði um borð og lenti sama stað aftur

Frönsk kona sem ætlaði að halda heim á leið eftir frí í Pakistan sofnaði um borð í flugvélinni. Það sem gerðist í kjölfarið er lyginni líkast.

Konan fór um borð í flugvélina í borginni Lahore í Pakistan og var ferðinni heitið til höfuðborgarinnar París þar sem hún býr. Ferðin til Frakklands frá Pakistan tekur 18 klukkutíma og er flogið samfleytt án millilendingar. Þegar nokkrir klukkutíma voru í lendingu tók þreytan öll völd hjá konunni og sofnaði hún í sæti sínu, eins og svo margir flugfarþegar gera til að drepa tímann.

Þegar vélin lenti svo í París vaknaði konan ekki og aðrir farþegar voru lítið að skipta sér af henni. Það sama gerðu flugfreyjurnar um borð. Konan steinsvaf á meðan farþegarnir löbbuðu út og þegar ræstingarfólkið þreif vélina rumskaði konan ekki. Eldsneyti var því næst dælt á vélina og nokkrum klukkutímum síðar komu nýjir farþegar um borð - sem allir voru á leið til borgarinnar Lahore í Pakistan - sömu borgar og konan fór upphaflega frá.

Þegar vélin lenti að nýju í Pakistan var konan vöknuð og þegar hún sá flugvellinn út um gluggann hjá sér brá henni heldur betur í brún. Hún var komin aftur á sama stað. Við landamæraeftirlitið var hún stoppuð og tjáði hún lögreglu frá málsatvikum.

Flugfélagið rannsakar nú atvikið sem er í meira lagi furðulegt.