Fyrrverandi aðstoðarmaður Guðjóns tekur við Watford

Watford hefur ráðið Nigel Pearson sem knattspyrnustjóra liðsins til loka tímabilsins.

We are pleased to confirm the appointment of Nigel Pearson as Head Coach on a contract that runs initially until the end of this season.

— Watford Football Club (@WatfordFC) December 6, 2019

Pearson er þriðji stjóri Watford á tímabilinu. Javi Gracia var stjóri þess í upphafi tímabils en var rekinn 7. september. Quique Sánchez Flores tók við af Gracia en var sagt upp á sunnudaginn.

Watford er í neðsta sæti ensku úrvalsdeildarinnar með átta stig, sjö stigum frá öruggu sæti.

Næsti leikur Watford er gegn Crystal Palace á morgun. Hayden Mullins stýrir Watford í leiknum, líkt og hann gerði í 2-0 tapinu fyrir Leicester City á miðvikudaginn.

Pearson var síðast við stjórnvölinn hjá OH Leuven í Belgíu. Hann hefur einnig stýrt Carlisle United, Southampton, Leicester City, Hull City og Derby County á Englandi.

Hann var einnig aðstoðarmaður Guðjóns Þórðarsonar hjá Stoke um tveggja ára skeið í upphafi aldarinnar.