Haraldur Björnsson áfram í Garðabænum
Haraldur Björnsson hefur skrifað undir nýjan þriggja ára samning við Stjörnuna en Garðbæingar tilkynntu þetta í morgun.
Haraldur hefur leikið með Stjörnunni síðan 2017 er hann snéri heim úr atvinnumennsku. Áður lék hann með Þrótti og Val hér á landi.
Haraldur Björnsson hjá Stjörnunni út tímabilið 2022! Halli hefur sannað sig sem einn af allra bestu markmönnum deildarinnar en hann hefur verið einn af lykil leikmönnum félagsins á undanförnum árum. Það er okkur sönn ánægja að Haraldur muni leika áfram með félaginu næstu árin. pic.twitter.com/YyDiAwtHAz
— Stjarnan FC (@FCStjarnan) October 8, 2019
Hann varð bikarmeistari með Stjörnunni 2018 en hann hefur ekki misst af leik í Pepsi Max-deildinni síðustu tvö tímabil.
Stjarnan endaði í 4. sæti deildarinnar í sumar og leikur því ekki í Evrópukeppni næsta sumar.
Í gær var tilkynnt að Rúnar Páll Sigmundsson hafi framlengt samning sinn um tvö ár.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
