Enski boltinn

Staðfestu að varnarmaður félagsins hafi greinst með ristilkrabbamein

Anton Ingi Leifsson skrifar
Angus í leik með Hull á síðustu leiktíð áður en hann meiddist.
Angus í leik með Hull á síðustu leiktíð áður en hann meiddist. vísir/getty

Hull hefur staðfest að varnarmaðurinn Angus MacDonald hefur greinst með þarmakrabbamein (e. bowel cancer) en félagið staðfesti þetta í gær.

Varnarmaðurinn gekk í raðir félagsins í janúarmánuði 2018 eftir að hafa leikið með Barnsley þar sem hann var meðal annars fyrirliði.

Hann lék þrjá leiki með liðinu á síðustu leiktíð en hann greindist svo með blóðtappa í kálfa í september á síðasta ári sem hélt honum frá keppni alla leiktíðina. Nú hefur hann svo greinst með krabbamein.





„Okkur þykir leitt að tilkynna að Angus MacDonald er með þarmakrabbamein á byrjunar stigi,“ sagði félagið í tilkynningu sinni.

„Angus hefur sýnt frábæran karakter hvernig hann hefur tekist á við skilaboðin. Öll Tígrisdýra-fjölskyldan mun sýna Angus ást og styðja hann í átt að bata.“

„Félagið biður stuðningsmenn og fjölmiðla að veita Angus og fjölskyldu hans frið á þessum tímum,“ sagði félagið enn fremur.






Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.