Loka á áróðurssíður á vegum stjórnvalda
Tæknirisinn Google hefur lokað á þriðja hundrað YouTube síða sem allar áttu það sameiginlegt að gagnrýna mótmælaaðgerðir almennings í Hong Kong gegn ofríki Kínverja.
Svo virðist sem síðurnar hafi verið kostaðar af yfirvöldum í Beijing höfuðborg Kína, þótt talsmenn Google hafi neitað að svara fyrir það. Twitter og Facebook hafa í vikunni gripið til svipaðra aðgerða.
Talsmaður Twitter segir að ekki verði liðið að ríkisstjórnir haldi úti áróðri á Twitter undir fölsku flaggi, og var þá greinilega að vísa í Kínversk yfirvöld, sem hafa farið mikinn í áróðursstríði gegn mótmælendunum í Hong Kong.
Tengdar fréttir
Kínverjar ætla ekki að sitja hjá og horfa á mótmælin í Hong Kong
Ef mótmælin í Hong Kong halda áfram og stjórnvöld í kínverska sjálfstjórnarhéraðinu Hong Kong ná ekki stjórn á mótmælendum mun ríkisstjórn Kína í Peking ekki sitja hjá og einfaldlega fylgjast með.
Lýðræðismótmælin í Hong Kong halda enn áfram
Mótmælin hafa staðið yfir í tíu vikur og til harðnandi átaka hefur komið við lögreglu undanfarið. Skipuleggjendur segjast vonast eftir friðsamlegum mótmælum í dag.
