Enski boltinn

Efast um að Arsenal hafi efni á Zaha

Ástrós Ýr Eggertsdóttir skrifar
Wilfried Zaha er á fullu með landsliði sínu að keppa í Afríkukeppninni um þessar mundir. Fílabeinsströndin mætir Alsír í 8-liða úrslitum í dag.
Wilfried Zaha er á fullu með landsliði sínu að keppa í Afríkukeppninni um þessar mundir. Fílabeinsströndin mætir Alsír í 8-liða úrslitum í dag. vísir/getty
Wilfried Zaha virðist færast fjær möguleikanum á að fara til Arsenal, menn í hans innsta hring efast um að Skytturnar eigi efni á að fá Fílbeinsstrendinginn til sín samkvæmt frétt Sky Sports.



Arsenal vill fá Zaha á Emirates og fyrr í júlímánuði gerði félagið 40 milljón punda boð í hann.



Crystal Palace hafnaði því tilboði enda metur Palace hann á 80 milljónir punda. Þá hefur Palace engan áhuga á því að taka leikmenn frá Arsenal upp í kaupverðið.



Hinn 26 ára Zaha var stuðningsmaður Arsenal í æsku og hann er sagður áhugasamur fyrir því að ganga til liðs við Skytturnar þar sem hann vill spila Evrópuleiki en halda áfram að búa í Lundúnum.



Bróðir Zaha sagði í viðtali á dögunum að þeir bræður vonuðust eftir því að Palace myndi komast að samkomulagi við Arsenal í ljósi alls þess sem Zaha hefur gert fyrir félagið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.