Aston Villa kaupir belgískan varnarmann

Enska úrvalsdeildarliðið Aston Villa hefur gengið frá kaupum á belgíska varnarmanninum Björn Engels en hann kemur til félagsins frá franska úrvalsdeildarliðinu Reims.

Engels er 24 ára gamall miðvörður og er enginn smásmíði þar sem hann telur 194 sentimetra.

Hann á landsleiki að baki fyrir yngri landslið Belgíu en hann ólst upp hjá Club Brugge í heimalandinu áður en hann var keyptur til gríska stórveldisins Olympiacos sumarið 2017, þaðan sem fór til Reims.

Aston Villa er nýliði í ensku úrvalsdeildinni og hefur styrkt lið sitt töluvert í sumar með leikmönnum á borð við Wesley frá Club Brugge, Jota frá Birmingham og Matt Targett frá Southampton.

We are delighted to confirm the signing of @BjornEngels from Stade Reims.

Full details https://t.co/CQw4IbEncC#WelcomeEngels #AVFC pic.twitter.com/hXDlh3i86S

— Aston Villa (@AVFCOfficial) July 16, 2019