Mourinho eða Wenger til Newcastle ef klúbburinn verður seldur
Rafael Benitez mun líklega þurfa að leita sér að nýrri vinnu ef Sheikh Khaled bin Zayed Al Nahyan kaupir Newcastle. Enska blaðið Mirror greinir frá.
Sheikh Khaled og fjárfestingafélag hans eru í viðræðum um að kaupa Newcastle af Mike Ashley. Auðjöfurinn frá Sameinuðu arabísku furstadæmunum er frændi eiganda Manchester City.
Samningur Benitez rennur út í lok júnímánaðar og hefur gengið illa að semja um framlengingu. Ashley hefur sett viðræðurnar við Bentiez til hliðar á meðan viðræður við Sheikh Khaled um kaupin á félaginu standa yfir.
Sheikh Khaled hefur sínar hugmyndir um það hver á að stýra liðinu, verði hann nýr eigandi. Þar eru menn eins og Jose Mourinho og Arsene Wenger ofarlega á lista en ekkert pláss fyrir Benitez.
Heimildir Mirror segja þó að menn nánir Ashley hafi ekki trú á því að salan gangi í gegn.
Tengdar fréttir
Frændi eiganda City við það að kaupa Newcastle
Eigandi Newcastle er í viðræðum við auðjöfur úr Sameinuðu arabísku furstadæmunum um kaup á félaginu.
Leikmenn Newcastle hafa áhyggjur af stöðu Benitez
Leikmenn Newcastle hafa áhyggjur af stöðu Rafael Benitez, knattspyrnustjóra liðsins, og yfirstandandi samningaviðræðum hans við félagið.
