Samanburður á gamla metinu hans Eiðs Smára og nýja metinu hans Gylfa

Gylfi Þór Sigurðsson setti í gærkvöldi Eið Smára Guðjohnsen niður í annað sætið á listanum yfir markahæstu Íslendingana í sögu ensku úrvalsdeildarinnar í knattspyrnu.

Eiður Smári og Gylfi voru búnir að vera jafnir í efsta sæti listans síðan að Gylfi skoraði sitt 55. mark í leik á móti Southampton 19. janúar síðstliðinn.

Gylfi hafði verið markalaus í fjórum síðustu leikjum sínum og deildu þeir félagar því efsta sætinu í alls 38 daga eða þangað til í gærkvöldi þegar Gylfi skoraði tvívegis í 3-0 sigri Everton á Cardiff City.

Most Premier League goals scored by Icelandic players:

Gylfi Sigurðsson (57)

Eiður Guðjohnsen (55)

The only two with more than 50. pic.twitter.com/L4cfNOSSue

— Squawka Football (@Squawka) February 26, 2019

Eiður Smári Guðjohnsen tók metið af þeim Guðna Bergssyni og Heiðari Helgusyni þegar hann skoraði sitt sjöunda deildarmark á sínu fyrsta tímabili með Chelsea 2000-01.

Markið sem sló met Guðna og Heiðars (Heiðar hafði jafnað met Guðna tímabilið á undan) kom í leik á móti West Ham á Upton Park 7. mars 2001. Eiður hafði jafnaði metið í leik á móti Ipswich á öðrum degi jóla.

Markið á Upton Park skoraði Eiður Smári með góðu vinstri fótar skoti rétt utan vítateigs en hann kom Chelsea þarna í 1-0 í fyrsta útisigri liðsins í tæpt ár.

Eiður Smári átti markametið einn í alls 6527 daga eða 17 ár, 10 mánuði og 12 daga. Þegar er líka tekinn með tíminn þar sem Eiður deildi markametinu með öðrum þá átti hann íslenska markametið í ensku úrvalsdeildinni í 6636 daga eða í 18 ár og 2 mánuði.

Það er líklegt að Gylfi eigi metið í langan tíma líka. Hann hefur 52 marka forskot á næsta virka mann sem er Jóhann Berg Guðmundsson auk þess sem Gylfi á örugglega eftir að bæta enn frekar við metið sitt á næstu misserum.

Gylfi skoraði sitt 55. mark í sínum 232. leik í ensku úrvalsdeildinni en 55. og síðasta mark Eiðs Smára kom í hans 190. leik í deildinni. Eiður Smári náði ekki að skora í síðasta 21 leik sínum í ensku úrvalsdeildinni en síðasta markið skoraði hann fyrir Tottenham í 2-1 sigri á Stoke City 20. mars 2010.

Fyrsta mark Eiðs Smára í ensku úrvalsdeildinni kom í 3-0 sigri á Liverpool á Stamford Bridge 1. október 2000 en Eiður innsiglaði þá sigurinn. Það var hans þriðji leikur í ensku úrvalsdeildinni en sá fyrsti í byrjunarliði.

Fyrsta mark Gylfa í ensku úrvalsdeildinni kom í 2-1 útisigri á West Bromwich Albion 4. febrúar 2012. Það var hans fjórði leikur í ensku úrvalsdeildinni.

Hér fyrir neðan má sjá frekari samanburð á gamla metinu hans Eiðs Smára Guðjohsen og nýja metinu hans Gylfa Þórs Sigurðssonar.

Eigandur markamets Íslendinga í ensku úrvalsdeildinni í gegnum tíðina:

Gylfi Þór Sigurðsson (19. janúar 2019- í gildi)

Eiður Smári Guðjohnsen (26. desmber 2000 - 26. febrúar 2019)

Heiðar Helguson (14. maí 2000 -7. mars 2001)

Guðni Bergsson (22. ágúst 1995 -7. mars 2001)

Þorvaldur Örlygsson (16. janúar 1993-23. desember 1995)

Markamet Gylfa Þórs Sigurðssonar

57 mörk í 237 leikjum á 8 tímabilum

Hefur skorað fyrir 3 félög (Swansea 34, Everton 15 og Tottenham 8)

Hefur skorað deildarmark á móti 25 félögum

Tvö tíu marka tímabil (15/16 og 18/19)

Mest 11 mörk á einu tímabili (15/16 og 18/19)

Hefur skorað 17 mörk á móti „stóru 6“

- Hefur átt metið í 39 daga þar af einn í 1 dag

Gylfi hefur skorað flest mörk á móti þessum liðum:

Southampton 5 mörk (12 leikir)

Chelsea 4 (14)

Manchester United 4 (11)

Fulham 4 (4)

Everton 3 (10)

Tottenham 3 (10)

Sunderland 3 (10)

Crystal Palce 3 (9)

Norwich 3 (6)

Cardiff 3 (3)

Árangur Gylfa á móti stóru liðunum sex

Manchester United 4 mörk í 11 leikjum

Chelsea 4 mörk í 14 leikjum

Tottenham 3 mörk í 10 leikjum

Liverpool 2 mörk í 12 leikjum

Arsenal 2 mörk í 11 leikjum

Manchester City 2 mörk í 12 leikjum

Samtals: 17 mörk í 70 leikjum

Markamet Eiðs Smára Guðjohnsen

55 mörk í 211 leikjum á 8 tímabilum

Skoraði fyrir 2 félög (Chelsea 54 og Tottenham 1)

Skoraði deildarmark á móti 24 félögum

Átti 4 tíu marka tímabil (00/01, 01/02, 02/03 og 04/05)

Mest 14 mörk á einu tímabili (01/02)

Skoraði 10 mörk á móti „stóru 6“

- Átti metið í 6636 daga þar af einn í 6527 daga

Eiður Smári skoraði flest mörk á móti þessum liðum:

Newcastle 5 mörk (10 leikir)

Manchester United 4 (12)

Charlton 4 (11)

Bolton 3 (10)

Blackburn 3 (9)

Birmingham 3 (9)

Fulham 3 (8)

Southampton 3 (7)

West Ham 3 (7)

Árangur Eiðs Smára á móti stóru liðunum sex

Manchester United 4 mörk í 12 leikjum

Liverpool 2 mörk í 12 leikjum

Arsenal 2 mörk í 9 leikjum

Manchester City 1 mark í 9 leikjum

Tottenham 1 mark í 8 leikjum

Chelsea 0 mörk í 2 leikjum

Samtals: 10 mörk í 52 leikjum

Mörk Íslendinga í ensku úrvalsdeildinni í gegnum tíðina:

1. Gylfi Þór Sigurdsson 57

2. Eiður Smári Guðjohnsen 55

3. Heiðar Helguson 28

4. Hermann Hreiðarsson 14

5. Guðni Bergsson  8

6. Jóhann Berg Guðmundsson 5

7. Ívar Ingimarsson 4

7. Grétar Rafn Steinsson 4

9. Brynjar Björn Gunnarsson 3

9. Arnar Gunnlaugsson 3

11. Jóhannes Karl Gudjonsson 2

11. Aron Einar Gunnarsson     2

13. Þórður Guðjónsson 1

13. Þorvaldur Örlygsson 1