Manchester United með langflest stig síðan að Solskjær tók við

Manchester United væri með fimm stiga forystu í ensku úrvalsdeildinni ef deildin hefði byrjað daginn sem Jose Mourinho var rekinn og Norðmaðurinn Ole Gunnar Solskjær tók við.

Manchester United hefur fengið 32 af 36 mögulegum síðan að Ole Gunnar Solskjær settist í stjórastólinn en liðið hefur unnið tíu leiki, gert tvö jafntefli og á enn eftir að tapa deildarleik undir hans stjórn.

Since taking over from José Mourinho, Ole Gunnar Solskjær has made a number of new records as manager of Man Utd.

Most points won in opening ten matches

Most wins from first games

Most consecutive away wins in all competitions

Longest unbeaten run by a new boss pic.twitter.com/Vfj0H2bsZD

— Novibet.co.uk (@novibet_uk) March 7, 2019

Manchester United hefur fengið fimm fleiri stig en Manchester City á þessum tíma og sjö fleiri stig en Liverpool.

Manchester United hefur líka skorað flest mörk og er auk þess með bestu markatöluna en Liverpool hefur hins vegar fengið á sig fæst mörk.

Manchester United var í 6. sæti ensku úrvalsdeildarinnar, ellefu stigum frá Meistaradeildarsæti, þegar Jose Mourinho var rekinn eftir 3-1 tap á móti Liverpool. Þá var Liverpool á toppnum með 19 fleiri stig en United.

Nú rúmum 80 dögum síðar situr Manchester United liðið í fjórða sætinu, þremur stigum frá þriðja sæti og 13 stigum frá toppsætinu.

Hér fyrir neðan má sjá besta árangur liðanna í ensku úrvalsdeildinni síðan að Ole Gunnar Solskjær tók við sem knattspyrnustjóri Manchester United um miðjan desember.

Since Ole Gunnar Solskjaer took over as Manchester United manager, they have earned more points (32) than any other Premier League team -- We're backing them to earn another three at Arsenal on Sunday

Our Premier League previews are now -- https://t.co/BIw8fiiPO3pic.twitter.com/S5vZAKM8xG

— WhoScored.com (@WhoScored) March 8, 2019

Flest stig síðan að Solskjær tók við:

1. Manchester United  32 stig

2. Manchester City 27

3. Liverpool 25

4. Arsenal  23

5. Tottenham 22

6. Watford 19

7. Chelsea 19

8. Crystal Palace 18

9. Wolves 18

10. Burnley 18

Flest mörk skoruð síðan að Solskjær tók við:

1. Manchester United  29 mörk

2. Manchester City 28

3. Liverpool 27

4. Tottenham 25

5. Arsenal 24

Fæst mörk fengin á sig síðan að Solskjær tók við:

1. Liverpool 8 mörk

2. Manchester United  9

3. Manchester City 10

4. Tottenham 14

4. Newcastle 14

Besta markatalan síðan að Solskjær tók við:

1. Manchester United  +20 (29-9)

2. Liverpool +19 (27-8)

3. Manchester City +18 (28-10)

4. Tottenham +11 (25-14)

5. Arsenal +8 (24-16)