Watford búið að ráða eftirmann Marco Silva

Spánverjinn Javi Gracia tekur við stjórnartaumunum hjá enska úrvalsdeildarliðinu Watford. Marco Silva var rekinn úr starfi í morgun í kjölfar taps gegn Leicester í gær.

Javi Gracia er 47 ára gamall og hefur ekki starfað á Englandi áður. Hann lék lengi í spænsku úrvalsdeildinni og hefur þjálfað frá árinu 2004.

Meðal félaga sem hann hefur þjálfað má nefna Osasuna og Malaga en síðast stýrði hann Rubin Kazan í rússnesku úrvalsdeildinni leiktímabilið 2016-2017.

Watford er í 10.sæti ensku úrvalsdeildarinnar með 26 stig eftir 24 leiki.