Blikar rúlluðu yfir Þróttara
Breiðablik átti ekki í miklum vandræðum með að leggja Þrótt R. að velli þegar liðin mættust í riðli 4 í Lengjubikarnum í kvöld. Lokatölur 0-4, Blikum í vil.
Martin Lund Pedersen (2), Willum Þór Willumsson og Höskuldur Gunnlaugsson skoruðu mörk Breiðabliks sem situr á toppi riðilsins.
Blikar eru með fimm stig en Þróttur er með þrjú stig í 4. sæti riðilsins.
Keflvíkingar tylltu sér á topp riðils 1 með 0-2 sigri á Víkingum.
Keflavík kláraði slaka Víkinga með tveimur mörkum í fyrri hálfleik.
Anton Freyr Hauksson kom Keflvíkingum yfir strax á 5. mínútu og hálftíma síðar jók Jeppe Hansen muninn í 0-2 eftir frábæran sprett og þar við sat.
Keflavík er með sjö stig á toppi riðilsins en Víkingur er í 4. sæti með þrjú stig.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
