Sanches fékk sér sæti í stúkunni á Goodison og hafði það huggulegt

Alexis Sanches var sem fyrr í byrjunarliði Arsenal í dag þegar liðið vann góðan 2-0 sigur á Everton á Goodison Park.

Arsenal var miklu betri aðilinn allan leikinn og þeir Danny Welbeck og Alex Iwobi sáu um markaskorunina, en þetta var fysta mark Iwobi í úrvalsdeildinni.

Þegar fimm mínútur voru eftir gerðist skemmtilegt atvik. Iwobi gaf þá of langa sendingu á Sanches sem endaði með því að hann var kominn upp í stúku.

Hann gerði þó bara vel úr þessu og tyllti sér í stúkuna við mikla kátínu viðstaddra. Hann sat þó bara í nokkrar sekúndur og hélt aftur inn á skömmu síðar.

Myndbandið má sjá hér í sjónvarpsglugganum efst í fréttinni.