Svona eru sigurlíkur Leicester í öllum leikjunum sem liðið á eftir

Leicester City er með fimm stiga forystu á Tottenham á toppi ensku úrvalsdeildarinnar þegar aðeins sjö umferðir eru eftir. Bandaríski íþróttafjölmiðillinn ESPN hefur nú reiknað út líkurnar á því að Leicester verði enskur meistari í fyrsta sinn.

Leicester City hefur unnið fjóra af síðustu fimm leikjum sínum með markatölunni 1-0 og liðið fær Southampton í heimsókn um helgina.

Töluspekingar reiknuðu ekki aðeins líkurnar á meistaratitlinum heldur einnig líkurnar á sigri í þeim sjö leikjum sem Leicester-liðið á eftir.

Erfiðustu leikir Leicester í síðustu sjö umferðunum verða samkvæmt þessu leikir liðsins á Old Trafford (27 prósent sigurlíkur) og Stamford Bridge (24 prósent sigurlíkur).

Leicster City er reyndar með aðeins meira en fimmtíu prósent sigurlíkur í tveimur leikjum eða á heimavelli á móti West Ham (51 prósent líkur á sigri Leicester) og Swansea (59 prósent).

Lecester vantar 17 stig í viðbót til að tryggja sér titilinn en það er 21 stig eftir í pottinum.

Leicester City er öruggt með að lenda í einu af þremur efstu sætunum en sjö önnur lið eiga möguleika á Meistaradeildarsæti. Það eru Tottenham (98 prósent líkur), Arsenal (93 prósent), Manchester City(56 prósent), Manchester United (30 prósent), West Ham (17 prósent), Liverpool (3 prósent) og Southampton (1 prósent).



Sigurlíkur Leicester City í síðustu sjö leikjunum:

Heima á móti Southampton - 47 prósent

Úti á móti Sunderland - 44 prósent

Heima á móti West Ham - 51 prósent

Heima á móti Swansea - 59 prósent

Úti á móti Manchester United - 27 prósent

Heima á móti Everton - 49 prósent

Úti á móti Chelsea - 24 prósent

Líkur á liðin verði Englandsmeistari 2016:

Leicester City 77,9 prósent

Tottenham 17 prósent

Arsenal 4,7 prósent

Manchester City 0,3 prósent



Það er hægt að sjá alla samantekt ESPN með því að smella hér.