Jóhann Berg þreytti frumraun sína með Burnley í sigri á Rangers

Jóhann Berg Guðmundsson lék sinn fyrsta leik fyrir Burnley þegar liðið vann 1-3 sigur á skoska stórliðinu Rangers í vináttuleik.

Jóhann Berg kom inn á sem varamaður fyrir Scott Arfield í hálfleik en þá var staðan 0-2.

Andre Gray skoraði öll þrjú mörk Burnley sem er nýliði í ensku úrvalsdeildinni.

Jóhann Berg hefur æft með Burnley frá því á mánudaginn í síðustu viku og þreytti í dag frumraun sína með liðinu.

Jóhann, sem var stoðsendingakóngur ensku B-deildarinnar á síðasta tímabili, skrifaði undir þriggja ára samning við Burnley. Hann kom til liðsins frá Charlton Athletic þar sem hann lék í tvö ár. Áður lék Jóhann Berg AZ Alkmaar í Belgíu og Breiðabliki hér á Íslandi.

Á föstudaginn mætir Burnley Real Sociedad í síðasta vináttuleik sínum áður en keppni í ensku úrvalsdeildinni hefst.

Í 1. umferð úrvalsdeildarinnar tekur Burnley á móti Swansea City sem Gylfi Þór Sigurðsson leikur með.

KICK-OFF: We're back underway. Jutkiewicz and Gudmundsson have replaced Vokes and Arfield at the break. 0-2 #ClaretsLIVE

— Burnley FC (@BurnleyOfficial) July 30, 2016