Liverpool ekki í neinum vandræðum með Stoke | Sjáðu mörkin

Liverpool vann auðveldan heimasigur, 4-1, á Stoke City í ensku úrvalsdeildinni í knattspyrnu í dag.

Leikurinn hófst vel fyrir Liverpool þegar Alberto Moreno skoraði fyrsta mark leiksins á áttundu mínútu eftir fínt skot á markið. Um stundarfjórðungi síðar jafnaði Stoke þegar Bojan skallaði boltann í netið.

Daniel Sturridge kom heimamönnum yfir með glæsilegu marki á 32. mínútu og var staðan 2-1 í hálfleik.

Þegar fimm mínútur voru liðnar af síðari hálfleiknum skoraði Divock Origi þriðja mark Liverpool og hann var síðan aftur á ferðinni korteri síðar þegar hann skoraði sitt annað mark í leiknum.

Niðurstaðan auðveldur sigur Liverpool sem er í áttunda sæti deildarinnar með 48 stig en Stoke er í því níunda með 47 stig.

Moreno skorar fyrir Liverpool Bojan jafnar fyrir Stoke Daniel Sturridge skorar fyrir Liverpool Divock Origi kemur Liverpool í 3-1 Divock Origi kemur Liverpool í 4-1