Mikilvægur sigur Swansea á Aston Villa | Gylfi steig upp

Gylfi Þór Sigurðsson og félagar unnu frábæran sigur á Aston Villa í ensku úrvalsdeildinni í dag en leikurinn fór 2-1 fyrir Swansea eftir að liðið hafði lent undir.

Eftir mjög bragðdaufan fyrri hálfleik kom Jordan Ayew Aston Villa yfir eftir um klukkustunda leik. Aðeins nokkrum mínútum síðar var komið að okkar manni. Gylfi Þór Sigurðsson gerði sér lítið fyrir og skoraði beint úr aukaspyrnu og jafnaði metin. Frábært mark og alveg óverjandi fyrir Guzan í markinu.

Nokkrum mínútum fyrir leikslok gerði Andre Ayew sigurmark leiksins og Swansea vann flottan sigur.

Swansea er í 11. sætinu með 13 stig en Villa er í næstneðsta með aðeins fjögur stig. 

Jordan Ayew kemur Aston Villa yfir 1-0

Gylfi Sigurðsson skorar beint úr aukaspyrnu

Andre Ayew skorar sigurmark Swansea