Erlent

Petro Poroshenko segir Úkraínu eiga í stríði við Rússland

Aðalsteinn Kjartansson skrifar
Petro Poroshenko, forseti Úkraínu.
Petro Poroshenko, forseti Úkraínu. Vísir/AFP
Petro Poroshenko, forseti Úkraínu, segir landið eiga í stríði við Rússa og að þjóðin ætti að búa sig undir innrás frá þeim. Þetta segir hann í samtali við BBC .

Poroshenko segir það á hreinu að átökin séu ekki við uppreisnarmenn sem njóta stuðnings Rússa heldur sé í gangi raunverulegt stríð við Rússland.

 Poroshenko segist ekki treysta rússneskum starfsbróður sínum, Vladimír Pútín. Hann ætti hins vegar ekki annarra kosta völ en að semja við hann.

Rússar hafa neitað fullyrðingum vestrænna ríkja um að hafa sent hermenn til Úkraínu til að berjast með aðskilnaðarsinnum. Á laugardag fangaði úkraínski herinn hins vegar tvo menn í austurhluta landsins sem stjórnvöld fullyrða að séu rússneski sérsveitarmenn. Rússar segja að mennirnir hafi ekki verið lengur starfandi í rússneska hernum þegar þeir náðust.

Sameinuðu þjóðirnar segja að minnst 6.000 séu látnir í stríðsátökunum í Úkraínu.

Mest lesið


Fleiri fréttir

Sjá meira


×

Mest lesið