Innlent

Þór kominn að Bandero og fylgir honum eftir

Gunnar Reynir Valþórsson skrifar
Mynd tekin úr eftirlitsmyndavél TF-SIF, flugvél Gæslunnar í gær.
Mynd tekin úr eftirlitsmyndavél TF-SIF, flugvél Gæslunnar í gær. Landhelgisgæsla Íslands

Varðskipið Þór sem lét úr höfn í gær og sigldi á slóðir hvalveiðiskipa Hvals hf. vegna hótana aðgerðarsinnans Paul Watsons fylgir nú skipinu Bandero eftir.

Skipið, sem er  á vegum samtakana Watsons, „The Paul Watson Foundation“, er nú komið inn í íslenska lögsögu og heita samtökin því að stöðva veiðar Hvals með góðu eða illu.

Þór lagði af stað um klukkan þrjú í gærdag og eru menn frá sérsveit Ríkislögreglustjóra með í för. Ásgeir Erlendsson upplýsingafulltrúi Landhelgisgæslunnar segir í samtali við fréttastofu að Þór hafi komið að Bandero í gærkvöldi og fylgi nú skipinu eftir við hvert fótmál.

Mynd tekin úr eftirlitsmyndavél TF-SIF, flugvél Gæslunnar í gær.Landhelgisgæslan

Ekki er gefið upp hvort hvalbátarnir séu á sömu slóðum en Ásgeir segir að hvalveiðiskipin hafi heimild til að slökkva á staðsetningartækjum sínum telji þau öryggi sínu ógnað og að sú heimild hafi verið nýtt. Þess í stað senda þau upplýsingar um staðsetningu sína handvirkt til Gæslunnar.

Hvalveiðar Hvalir Landhelgisgæslan Lögreglumál Hótanir Paul Watson vegna hvalveiða Íslendinga

Tengdar fréttir

Sérsveitarmenn um borð í Þór

Þór, varðskip Landhelgisgæslunnar lagði af stað klukkan þrjú í dag frá Reykjavíkurhöfn í átt að hvalveiðiskipum Hvals hf. vegna hótana Pauls Watsons sem beint er að hvalveiðum fyrirtækisins. Fimm sérsveitarmenn auk séraðgerðarmanna Landhelgisgæslunnar eru um borð í skipinu.

Hafa ekki gefið Land­helgis­gæslunni upp stað­setningu Bandero

Áhöfn skipsins Bandero, skip hvalveiðiverndaraktívistans Paul Watson, hefur ekki orðið við beiðnum Landhelgisgæslunnar um að gefa upp staðsetningu skipsins sem sigldi inn í efnahagslögsögu Íslands í gær. Formaður Hvalavina hefur áhyggjur af komu skipsins til landsins.

Mest lesið


Fleiri fréttir

Sjá meira


×

Mest lesið