Hættir við rútureglur eftir ásakanir um aðskilaðarstefnu

Benjamin Netanyahu, forsætisráðherra Ísraels, hefur dregið nýjar reglur til baka sem ætlað var að koma í veg fyrir að Palestínumenn geti ferðast með sömu rútum til Vesturbakkans og Ísraelar.

Netanyahu hafði sætt harðri gagnrýni vegna málsins þar sem Zehava Galon, leiðtogi Meretz-flokksins, sakaði hann í samtali við Haaretz meðal annars um að koma á kerfi apartheid, eða aðskilnaðarstefnu, í landinu.

Ísraelar búsettir á Vesturbakkanum hafa árum saman farið fram á að Palestínumönnum verði meinað að nýta sér ísraelskar almenningssamgöngur þar sem þeir telji slíkt ógn við öryggi.