Gylfi á bekknum í fyrsta sinn á tímabilinu

Garry Monk, knattspyrnustjóri Swansea City, tók þá ákvörðun að taka íslenska landsliðsmanninn Gylfa Þór Sigurðsson út úr liðinu fyrir leik liðsins á móti Stoke í ensku úrvalsdeildinni í kvöld.

Gylfi hefur verið í byrjunarliði Swansea í fyrstu átta umferðunum en hefur "bara" skoraði eitt mark og gefið eina stoðsendingu í þessum átta deildarleikjum liðsins.

Monk hefur tekið Gylfa af velli í þremur af síðustu fjórum deildarleikjum Swansea en liðið hefur aðeins náð í samtals tvö stig út úr síðustu fjórum leikjum sínum.

Gylfi Þór Sigurðsson er nýkominn heim til Swansea eftir að hafa spila tvo síðustu leiki íslenska landsliðsins í undankeppni EM 2016.

Modou Barrow og Jack Cork koma inn í liðið fyrir þá Gylfa og Ki Sung-yueng. Andre Ayew er líka leikfær en hann hefur verið að glíma við hnémeiðsli.



Byrjunarlið Swansea á móti Stoke:

Byrjunarlið: Fabianski, Rangel, Fernandez, Williams, Taylor, Shelvey, Cork, Ayew, Barrow, Montero, Gomis.

Varamenn: Ki, Britton, Nordfeldt, Eder, Gylfi Þór Sigurðsson, Naughton, Bartley.