Ítalskur fasteignamógúll bauð í Mourinho

Chelsea mun hafa hafnað háu tilboði frá einum eiganda franska liðsins AS Monaco í knattspyrnustjórann Jose Mourinho.

Þetta kemur fram í frönskum fjölmiðlum einn minnihlutaeiganda Chelsea, ítalski fasteignajöfurinn Alessandro Proto, heldur því fram að hann hafi rætt við Roman Abramovich, eiganda Chelsea, um möguleikann á því að kaupa upp samning Mourinho.

„Við buðum 50 milljónir evra til að fá þjálfarann strax en það var farið fram á 100 milljónir. Það er of há upphæð,“ er haft eftir Proto í yfirlýsingu sem fyrirtæki hans mun hafa sent frá sér.

Mourinho hefur átt erfitt uppdráttar hjá Chelsea í ár eins og kunnugt er. Liðið er með ellefu stig eftir jafn marga leiki í ensku úrvalsdeildinni þar sem liðið situr í fimmtánda sæti. Það er þó enginn uppgjafartónn í Portúgalanum sem hefur fengið traustsyfirlýsingu frá yfirstjórn Chelsea.

Sjá einnig: Mourinho: Engin leikmannbylting

Áðurnefndur Proto hefur áður komið sér í fréttirnar fyrir að halda því fram að hann sé fyrirmynd sögupersónunnar Christian Grey sem fjallað er um í Fifty Shades of Grey bókaflokknum.