Átök í Ferguson

Að minnsta kosti einn slasaðist þegar til átaka kom í fjöldagöngu í Ferguson í Bandaríkjunum í nótt. Gangan var tileinkuð blökkupiltinum Michael Brown sem fyrir ári síðan féll fyrir hendi lögreglu. Hún hafði farið friðsamlega fram þar til hópur fólks dró sig úr göngunni, hleyptu af skotum, rændu verslun og gengu berserksgang.  

Fyrstu dagana og vikurnar eftir morðið á Brown var efnt til fjöldamótmæla nánast daglega í Ferguson og víðar í Bandaríkjunum. Lögreglan var sökuð um kynþáttamisrétti, en lögreglumaðurinn var hvítur en Brown svartur á hörund.