Ráðist á herstöð Afríkubandalagsins

Að minnsta kosti 30 manns eru látnir eftir skotárás í herstöð Afríkubandalagsins í suðurhluta Sómalíu í dag.

Hryðjuverkasamtökin Al-Shabab hafa lýst ódæðinu á hendur sér en samtökin hafa lengi barist við sómalísk stjórnvöld um yfirráð í landinu.

Bíl var keyrt inn í aðalhlið herstöðvarinnar í Leego, sem stendur við veginn sem tengir höfuðborgina Mogadishu og Baidoa á suðurströndinni. Bíllinn sprakk skömmu síðar og ruddi brautina fyrir hóp byssumanna sem braust inn í herstöðina og skutu á hermenn sem á vegi þeirra urðu.

Sjónarvottar í Leego segja frá brennandi bílum sem keyra um göturnar hlaðnir vopnum og líkum þeirra sem félu í árásinni.

Svartur fáni hefur verið dreginn að húni í herstöðinni.

Al-Shabab hafa heitið því að herða árásir sínar í landinu í helgasta mánuði múslima, Ramadan, sem nú stendur yfir.

Mikið ófremdarástand ríkir í landinu en á miðvikudaginn síðastliðinn lifði sendiherra Sameinuðu arabísku furstadæmanna af sjálfsmorðssprengjuárás í Mogadishu.