Svipti greifynjutitlinum af systur sinni

Fillipus Spánarkonungur hefur svipt systur sína Kristínu, titli greifynju, en hún hefur verið ákærð fyrir brot á skattalögum. Talið er að þetta muni setja þrýsting á prinsessuna um að hún gefi eftir erfðarétt sinn og verði ekki drottning, látist konungurinn.

Fillipus konungur tók við af föður sínum á síðasta ári í skugga hneykslismála og ákvörðun hans nú er hugsuð til að auka traust almennings á krúnunni sem farið hefur þverrandi á síðustu árum. Cristina, sem var greifynjan af Mæjorka, er grunuð um stórfelld brot ásamt eiginmanni sínum, Inaki Urdangarin, sem á árum áður var ein helsta handboltastjarna Spánverja.