Kane skoraði tvisvar gegn Courtois en Belginn veit hvernig á að stoppa hann

Thibaut Courtois, markvörður Chelsea, segist vita upp á hár hvernig eigi að stöðva sjóðheitan framherja Tottenham, Harry Kane.

Kane hefur verið í frábæru formi á leiktíðinni og skorað 24 mörk í öllum keppnum. Hann skoraði tvö mörk þegar Tottenham vann 5-3 sigur á Chelsea á nýársdag.

Þrátt fyrir að hafa fengið á sig fimm mörk í síðasta í leik gegn Tottenham, þar af tvö frá Kane, veit belgíski landsliðsmaðurinn hvernig eigi að koma í veg fyrir að enski framherjinn komi boltanum í netið.

Aðspurður í viðtali í The Telegraph hvort hann kunni á tækni Kanes segir Courtois: „Já, ég þekki hana vel en segi ekkert um það núna.“

„Fótboltinn er samt mismunandi og hver leikur er ólíkur þeim síðasta. Í hvert skipti sem framherji mætir manni gæti hann gert eitthvað annað en síðast.“

Fyrra mark Kane gegn Chelsea: Seinna mark Kane gegn Chelsea: