Mourinho: Ég hefði fengið bann fyrir það sem Pearson gerði | Myndband

José Mourinho, knattspyrnustjóri Chelsea, telur að hann hefði fengið leikbann ef hann hefði gert svipaðan hluy og Nigel Pearson, stjóri Leicester, á hliðarlínunni.

Pearson tók James McArthur, leikmann Crystal Palace, hálstaki í viðureign liðanna á dögunum en slapp með refsingu. Hann var þó nálægt því að missa starfið vegna atviksins en slapp með það líka.

Sjá einnig:Sakar vinsælan sjónvarpsþátt um að hafa næstum látið reka sig

Mourinho hefur lent í veseni á hliðarlínunni og átti í stympingum við Arsene Wenger, knattspyrnustjóra Arsenal, á Stamford Bridge fyrr á þessari leiktíð.

Það var ekki í eina skiptið sem hann hefur komist í klandur á tímabilinu því á dögunum fékk hann 25.000 punda sekt fyrir að segja alla úrvalsdeildina í herferð gegn sér og sínum mönnum.

„Ég tala bara um mig, ekki Nigel,“ sagði Mourinho á blaðamannafundi í gær fyrir leik liðsins gegn Everton í úrvalsdeildinni í kvöld.

„Ef ég ýti öðrum knattspyrnustjóra innan míns boðvangs vitið þið að ég fæ bann. Þetta vitum við allir. Af hverju er það þannig? Það vitum við ekki,“ sagði Portúgalinn.

Leikur Chelsea og Everton er í beinni útsendingu á Stöð 2 Sport 3 í kvöld.