Kok­teilar á línuna: Guar­diola vill að sínir menn drekki vel og njóti

Sigur Manchester City sér til þess að liðið er nú aðeins tveimur stigum á eftir toppliði Arsenal og þar að auki er liðið enn inni í öllum keppnum. 

Nico O´Reilly skoraði bæði mörk Manchester City í 2-1 sigrinum gegn Newcastle United í gær en á blaðamannafundi eftir leik greindi Guardiola frá því að nú tæki við þriggja daga frí hjá hans leikmönnum áður en æfingar hæfust svo aftur fyrir leik gegn Leeds United  í ensku úrvalsdeildinni eftir viku. 

Spánverjinn segir sitt lið þurfa að gera betur en það sé einnig mikilvægt að njóta stundarinnar, erfið vegferð sé framundan. 

„Ég sagði við leikmenn mína. Drekkið mikið af caipirinhas og daiquiris yfir þetta þriggja daga tímabil, njótið lífsins. Þegar að fríinu lýkur komið þið á æfingarsvæðið, leggið inn þrjár frábærar frammistöður á æfingum og haldið svo í leik á móti Leeds United.“

Brot af blaðamannafundi Guardiola þar sem að hann talar akkúrat um þetta má sjá hér fyrir ofan. Arsenal mætir nágrönnum sínum í Tottenham á útivelli klukkan hálf fimm í dag og getur komið forskoti sínu á toppnum að mestu upp í fimm stig, Manchester City mun þó alltaf eiga leik inni til góða.