Rodgers: Kraftur í okkar leik

Liverpool vann þriggja marka sigur á Cardiff, 6-3, í ensku úrvalsdeildinni í knattspyrnu í gær eftir að lenda undir í tvígang. Liðin voru jöfn í hálfleik, 2-2, en í þeim síðari gekk Liverpool frá leiknum.

„Við vorum of aftarlega í fyrri hálfleik og gáfum færi á okkur. FrazierCampbell og CraigBellamy stóðu sig vel í byrjun leiksins og við misstum boltann á vondum svæðum,“ sagði Brendan Rodgers, knattspyrnustjóri Liverpool, eftir leikinn.

Stjórinn var ánægður með hvernig sínir menn komu sterkir til baka í seinni hálfleik og unnu öruggan sigur sem heldur liðinu í toppbaráttu deildarinnar.

„Við sýndum mikinn karakter og það var kraftur í okkar leik. Við vorum líka einbeittir og yfirvegaðir. Þetta eru alveg frábær úrslit fyrir okkur.“

Liverpool er búið að skora 82 mörk í deildinni sem er met hjá félaginu.