Komandi barátta líkt og stríðsátök

Ebólufaraldurinn, sem nú hefur dregið rúmlega 1000 manns til dauða í vesturhluta Afríku, gæti varað í allt að hálft ár í viðbót, að sögn sérfræðingahjá samtökunum Læknar án landamæra. Joanne Liu, formaður samtakanna, sagði á blaðamannafundi í dag að komandi baráttu mætti líkja við stríðsátök.

Heilbrigðisstarfsfólk segir að ómögulegt sé að segja nákvæmlega til um heildarfjölda látinna ekki é hægt að halda utan um öll tilfellin sem koma upp á degi hverjum. Ættingar sjúklinga eigi það einng til að halda veikum ástvinum sínum heima fyrir af ótta við að smitast í neyðarskýlunum sem komið hefur verið upp víðsvegar á vesturströnd álfunnar.

Aðrir séu jarðsettir áður en heilbrigðisstarfsfólk kemst á svæðin sem mörg eru afskekkt. Til að mynda hafi um 80 tilfelli af ebólunni skotið upp kollinum á síðustu dögum á einu svæði, sem ekki hafði verið rannsakað áður.

Helsta verkefni heilbrigðisstarfsfólks er nú, sem fyrr,að takmarka fólksflutninga og koma upp sóttkvíum í þeim löndum sem verst hafa orðið úti í faraldrinum; Síerra Leone, Gíneu, Nígeríu og Líberíu, til að draga úr dreifingu veirunnar.

Margir sjúklingar sem hafa verið í felum eru nú farnir að stíga fram og leita sér aðstoðar eftir því sem neyðarskýlum hefur fjölgað á síðustu dögum. Legupláss í slíkum skýlum fyllast nú hraðar en gert var ráð fyrir sem talið er til merkis um það að útbreiðsla veirunnar sé meiri en áður hefur verið talin.

Í heilsugæslu einni í Líberíu á vegum Lækna án landamæra eru sem dæmi 40 rúm en alls bíða 137 eftir aðstoð á stofnunni. Hafa þeir þurft að hafast við á göngum gæslunnar á meðan þeir bíða eftir því að fá greiningu. Sökum mannfjöldans er nær ómögulegt að aðgreina sýkta frá heilbrigðum á stofnunum sem þessum.

Sömu sögu er að segja af 80 rúmum í neyðarskýli í Líberíu sem fylltist samstundist eftir að gæslan var opnuð. Daginn eftir leituðu svo rúmlega 20 manns til viðbótar aðstoðar.