Öruggur sigur Englands á Perú

England átti ekki í miklum vandræðum með að leggja Perú að velli, 3-0, í vináttulandsleik á Wembley-leikvanginum í Lundúnum í kvöld en Englendingar eru í óða önn við að undirbúa sig fyrir HM í næsta mánuði.

Daniel Sturridge, leikmaður Liverpool, kom Englandi yfir á 32. mínútu með fallegu marki en han lék þá á tvo varnarmenn gestanna og skoraði með fallegu skoti.

Miðverðir Englands, GaryCahill og PhilJagielka, gengu frá leiknum á fimm mínútna kafla í seinni hálfleik. Cahill skoraði á 65. mínútu en Jagielka á 70. mínútu.

Bæði mörkin skoruðu varnarmennirnir eftir hornspyrnur í þessum auðvelda sigri Englands.