Walker missir af fyrstu leikjunum

Hægri bakvörðurinn Kyle Walker missir líklega af fyrstu leikjum Tottenham í ensku úrvalsdeildinni sem og leik Englands og Sviss í undankeppni EM 2016 í næsta mánuði.

Walker, sem er 24 ára, hefur ekki enn náð sér af meiðslum í mjaðmagrind sem komu í veg fyrir þátttöku hans á HM í sumar.

Walker hefur ekki spilað keppnisleik síðan 13. mars, en Mauricio Pochettino, þjálfari Tottenham, segir að meiðslin séu enn að plaga framherjann:

„Það koma dagar þar sem Kyle finnur mikið fyrir meiðslunum en við trúum því að hann komi fljótlega til baka,“ sagði argentínski þjálfarinn, en Tottenham hefur verið orðað við bandaríska hægri bakvörðinn DeAndre Yedlin að undanförnu.

Tottenham hefur leik í ensku úrvalsdeildinni gegn West Ham á laugardaginn.