Vandræði United hafa slæm áhrif á vörumerki ensku úrvalsdeildarinnar

Það gengur ekkert hjá liði Manchester United á heimavígstöðvunum undir stjórn David Moyes og einn af forráðamönnum ensku úrvalsdeildarinnar viðurkennir að þetta lélega gengi ensku meistaranna og vinsælasta félags deildarinnar hafi slæm áhrif á vörumerki ensku úrvalsdeildarinnar.

Manchester United lá 0-3 fyrir nágrönnunum sínum í Manchester City í vikunni og er nú í sjöunda sæti deildarinnar heilum átján stigum á eftir toppliði Chelsea.

„Þegar vinsælasta félagið þitt er ekki að standa sig vel þá missir deildin áhuga og áhorf á sumum stöðum," sagði Richard Scudamore, stjórnarformaður ensku úrvalsdeildarinnar í viðtali við BBC.

„Það er mjög mikið af áhugafólki út um allan heim sem óskar þess að Manchester United fari aftur að vinna leiki," sagði Scudamore sem lagði þó áhersla að þetta sé keppni og þar hafi öll félög möguleika á því að keppa og ná árangri.

Manchester United hefur tapað 10 af 31 leik sínum í ensku úrvalsdeildinni og er úr leik í báðum bikarkeppnunum. Liðið á ekki lengur möguleika á því að vera í Meistaradeildinni á næsta tímabili nema ef þeir vinni Meistaradeildina í vor. Þar bíða liðsins hinsvegar leikir á móti Evrópumeisturum Bayern München í átta liða úrslitunum.