Fernandinho: Getum ekki slakað á

Brasilíski miðjumaðurinn Fernandinho vonar að leikmenn liðsins hafi lært af því að vera ekki værukærir þrátt fyrir að vera ríkjandi meistarar.

Fernandinho og félagar unnu 2-0 sigur á Newcastle í fyrstu umferð en á næstu fjórum vikum mæta þeir Liverpool, Arsenal og Chelsea.

„Það er sagt að það sé eðlilegt að slaka aðeins á klónni stuttu eftir að hafa unnið titil en við sýndum gegn Newcastle að við ætlum okkur að endurheimta titilinn. Vonandi náum við upp sömu spilamennsku og á síðasta tímabili, við getum ekki slakað neitt á.“

Manchester City mætir Liverpool í kvöld en liðin börðust fram á lokasekúndurnar á síðasta tímabili um Englandsmeistaratitilinn.

„Það eru mörg lið sem geta barist um titilinn. Síðasta tímabil var ótrúlegt ævintýri, að berjast fram á síðustu sekúndurnar við Liverpool og að vinna síðan titilinn á mínu fyrsta tímabili hjá Manchester City.“

Leikur Manchester City og Liverpool verður í beinni útsendingu á Stöð 2 Sport 2 og Stöð 2 Sport 2 HD í kvöld en útsending hefst klukkan 18.50.