100.000 punda maðurinn á útleið

Svo virðist sem markvörðurinn Julio César sé á leið til Benfica á frjálsri sölu frá Queens Park Rangers.

QPR á í viðræðum við brasilíska markvörðinn um starfslokasamning, en félagið vill losna við hann af launaskrá. César þiggur um 100.000 pund í vikulaun, en hann hefur aðeins leikið 24 deildarleiki fyrir QPR síðan hann kom frá Inter sumarið 2012. César lék sem lánsmaður með Toronto FC á síðustu leiktíð.

Þá er Hollendingurinn Leroy Fer nálægt því að ganga í raðir QPR fyrir átta milljónir punda, en Harry Redknapp, knattspyrnustjóri félagsins, vonast til að gengið verði frá kaupunum á næstu dögum.