Loftárás í Úkraínu kostar ellefu manns lífið

Fjögurra hæða íbúðarblokk í borginni Snizhne í austurhluta Úkraínu gereyddist í loftárás á borgina í dag. Yfirvöld á staðnum segja að ellefu manns hið minnsta hafi látið lífið í árásinni.

Samkvæmt fréttaveitunni AP báru rústir blokkarinnar þess merki að margar eldflaugar hafi hæft hana. Björgunarsveitum tókst að koma ungu barni með báða fætur brotna á lífi úr rústunum.

Talið er að fleiri hundruð óbreyttra borgara liggi í valnum eftir átök úkraínskra stjórnvalda við aðskilnaðarsinna sem vilja að austurhluti landsins sameinist Rússlandi. Stjórnvald hafa neitað því að flugher þeirra hafi verið á bak við árásina, en tóku ekki fram hvern þau gruna um ábyrgð. Ekki er vitað til þess að sveitir aðskilnaðarsinna hafi aðgang að flugvélum.